楊秀惠、何傲兒噚日喺尖沙嘴為無綫一班藝員參加「莎莎2010香港國際龍舟邀請賽」打氣，結果無綫攞第二名，楊秀惠見到自己同事攞亞軍梗係開心，佢話好想落場一齊玩，只係早排因為排舞，唔小心扭親膊頭同隻腳，家仲睇緊醫生，所以呢排要乖啲唔敢紮紮跳。另外，韓國都有派藝人參加呢次比賽，不過唔算好紅，有U-Kiss嘅Alexander同2PM李俊昊多啲人識。