茶餐廳通常山珍海錯欠奉，但顧客流轉速度快，加上不少外地遊客會特意光顧茶餐廳，體現香港飲食文化。工作繁忙，又要應付各式各樣的顧客，茶餐廳伙記不易為。潮興茶餐廳老闆馬國史表示，伙記必須好脾氣，遇到醉酒顧客反枱也若無其事，「反番正張枱就算」。
伙記必須好脾氣
潮興位於尖沙嘴寶勒巷，店面普通，卻經常有影視藝人光顧，常客之中，羅嘉良最愛牛腩麪配凍咖啡。苗僑偉夫婦、關詠荷、曾志偉及李修賢也經常幫襯，滷水鵝片、魚蛋粉、牛坑腩等招牌菜是他們點菜主打。潮興由早上7時營業到凌晨3時，由於位處酒吧街，不時有醉酒客光顧，馬國史指伙記訓練有素，明白帶醉的客人有時會失控，即使入座後胡言亂語，員工都會有所忍讓，「有朝早，兩個醉酒男人無啦啦走入嚟反轉兩張枱，之後走咗去，不過知道佢哋飲醉咗，都冇追究，反番正張枱就算」。
茶餐廳伙記除了脾氣要好，還有一共通點是落單速度飛快，旁人看似鬼畫符，黃卓榮說：「伙記之間夾慣咗，再潦都睇得明。」他對聘請伙記要求不高，用心待客即可。
本報記者