亞視昨晚為自家出品新劇《法網群英》在尖沙嘴某酒樓舉行首播會，一眾主角及監製鄧特希現身造勢，現場播出兩個鐘的版本給演員先睹為快。
張文慈看完後賣花讚花香說：「好好睇，真係要頒個獎畀鄧特希。講真我之前拍完都唔知拍咗乜，但睇完發覺鄧特希真係有料到，好掂呀！」問她會否因此對收視有期望？她即無奈說：「我想有，但亞視總會令人失望，所以我都平常心，希望有雙位收視。」
吳啟華：劇本好
吳啟華同樣對新劇大讚特讚，他說：「劇本好，演員陣容好，相信唔會令人失望。」他指新劇適合中產人士收看，水準比當年鄧特希出品《壹號皇庭》更出色。
採訪：魯萍
攝影：陳俊強