【香港書展2010】黎明（Leon）昨日進軍書展，不過並非搞簽名會對撼o靚模，而是出席港台座談會。一向金句多多的Leon批評不少媒體擺明抄襲但又不肯承認，厚顏無恥，矛頭直指無綫。提到老師戴思聰喪禮是非多，Leon不忌諱表示：「如果我個人去咗，最好㩒個掣由我走，唔好影響身邊人。」
昨日港台在灣仔書展舉行「太陽計劃之《毒戒》廣播劇首播」活動，黎明和傅穎（Theresa）先後應邀出席跟現場市民分享創作經驗。
上網下載無可厚非
席間主持問到Leon現在有不同媒體，若要他選擇，會從事甚麼媒體工作？他說：「其實我冇資格，但要我揀，我會揀港台，因為正面啲，所有嘢都係自己諗，家好多人抄人哋嘢，好似抄人哋啲日劇，但抄完又唔認。」矛頭似乎直指之前無綫劇集《談情說案》涉抄日劇《神探伽俐略》一事，果然大膽直言。
身為唱片公司老闆的Leon認為現在不少人只重視唱片封套等外在因素，又指如果碟內十首歌只有一首歌好聽，似乎有欺騙之嫌，若果如此不如索性讓別人合法下載，毋須買碟。Leon又表示未有意思出自傳。
及後Leon接受訪問，再問到抄襲問題日漸嚴重一事，他說：「唔好問我，你哋自己寫，家啲傳媒風氣都係寫唔好嘢，認為有助銷量，其實反而係越嚟越差至真。」是否鼓勵fans合法下載？Leon坦言若果只有一兩首歌曲悅耳好聽，下載也是無可厚非。
Leon又透露會出席老師戴思聰的喪禮，至於會否扶靈，他直言：「唔想將老師去世嘅事成為新聞，如果我個人去咗，最好㩒個掣由我走，唔好影響身邊人。」是否覺得太多是非不尊重老師？他說：「Wehavetostop.觀眾都嫌喇，我唔再回應。」
傅穎自爆銷量欠佳
另外，Theresa昨日接受電話訪問，她表示從報章及自己留意得知，今年書展受天氣及其他不明原因影響，人流明顯減少，她估計寫真及其他書籍在書展的銷量將不及往年。是否意指周秀娜的寫真銷量也欠佳？Theresa說：「我從來冇咁講，佢係寫真女王，點會話佢銷量差。我自己嗰本都冇去得咁快，但銷量係OK，其他人嘅銷量我就冇問過。」
採訪、攝影：胡比
今日觀星時間表
周麗淇
「珍惜」簽名會
時間：12:00pm 地點：會展簽名會A區（君爵廳）
廖碧兒
「我們是一家．齊齊來繡花」宣傳
時間：12:00pm 地點：會展1號展館1A-D20
杜惠東
「繁星閃閃」簽名會
時間：1:00pm 地點：博覽道入口大堂
BigFour
「不一樣的Big4」簽名會
時間：3:00pm 地點：會展簽名會A區（君爵廳）
詹瑞文
「JimSir搞Gag學」簽名會
時間：3:00pm 地點：會展簽名會A區（君爵廳）
王允祈（萬寧妹妹）
「我有少少鍾意咗佢」簽名會
時間：3:00pm 地點：會展4樓中庭（君爵廳）
杜如風
「風行風語」簽名會
時間：4:00-7:00pm 地點：博覽道入口大堂
周秀娜、A.Lin、AnnieG、HaileyC及新8模
「GME13美寫真流動簽名會館」宣傳
時間：6:00pm 地點：灣仔金紫荊廣場