F/W新貨上架軍事來襲，N.Hoolywood等部隊等住你入伍，可7月買褸未免太熱，硬漢們不如先update鞋櫃。經典法國軍靴Palladium，隨着這股militarytrend再度復興，入市是時候，加上帆布設計唔焗腳夏天亦照着可也，敵軍馬田醫生和紅翼，地位看來岌岌可危。
記者：吳允冲
攝影：陳陶鈞
Model：SimonS@Elite
Makeup&Hair：Dianna&[email protected]
由輪胎到軍靴
世上好多公司都是轉型後才大紅大紫，例如可口可樂原先係賣藥水。同為輪胎製造商，「米芝蓮」由生產車胎發展到出版餐廳指南，成為飲食界殿堂級寶鑑；而Palladium生產軍靴之前，1920年成立時，是飛機輪胎製造商，以堅韌耐用的輪胎聞名！二戰後輪胎需求減少，Palladium便將製作橡膠的技術，轉移在軍靴上，將橡膠變成軟硬適中的鞋底，更被法國軍隊垂青成為專用軍靴。不過輝煌的日子到九十年代終止。直到上年秋冬，宣佈正式復刻，之後隨即賣出100萬對。Palladium明天（26/7）就正式登陸香港，率先在I.T發售。
六軍子襲港
今次Palladium回歸，質料隨時日改進，改用了石磨100%純棉帆布和premiumgrade的皮革，鞋身亦變得更輕更舒服，但經典設計自1947年誕生以來從未變過，橡膠狗牙鞋底依然襟磨襟踩。今回首先登陸的6款HighFold-OverVersion，除了最百搭的黑色、軍綠外，亦有內櫳有紅色tartan設計的幾款，摺筒露出格仔襯croppedpants，造型更突出。
NeilBarrett湊皮氣
Palladium今個月更與NeilBarrett合作推出更豪華的皮版collaboration。NeilBarrett作為軍服裁縫第四代傳人，用了8個月時間設計出這對極易襯的軍靴，分為黑色waxed及灰褐色Nubuk兩款，鞋底更是由一塊膠倒模而成，不經組合。可惜暫時只限歐洲及美國有售，I.T未引入前，惟有託英國朋友代買！
查詢：
（it）I.T
銅鑼灣京士頓街2號地庫（28816102）
（iz）izzue
銅鑼灣金百利商場地庫（28903560）