阮小儀昨日在銅鑼灣為代言的減肥產品宣傳，廣告商事先張揚她會性感展示22吋桃花腰，但小儀卻密實到場，她表示要留待演出森美小儀舞台劇時才晒事業線，又謂：「我拍《千奇百趣》時曬黑咗，唔露住，我游水都着兩件頭。」但她的廣告照相當有睇頭，小儀謂：「唔知點解嗰日有，今日收埋咗。」
想拍性感廣告
她謂男友明白工作需要，沒有投訴。小儀現時體重九十多磅，也想再拍一輯性感廣告相，問她會否出寫真，小儀謂：「我點同Carol、周秀娜嗰啲比，玩太陽油都OK，但我真係用嚟搽o架囉，我出寫真會累出版商蝕錢o架。」可想拍豐胸廣告？小儀說：「冇必要，我媽上圍好豐滿，佢話胸大好辛苦。」
採訪、攝影：譚倩宜