【本報訊】本地老牌球會流浪昨午舉行季前記招宣佈球隊陣容，而新任主席黃少華在席上聲言不搞「老細足球」：「我同莫生（會長莫耀強）唔會干涉球隊運作，亦唔搞足球政治，球員落場盡力踢好每場波已足夠，冇必要睇老細臉色。」
陳偉豪：幫母會爭標
由於流浪今季獲陳偉豪、陳耀麟、羅志焜及葉志豪等舊將回歸，班費亦由上季400萬港元，增至今季的550萬元，而球隊除加強青訓，還訂下3年建立一支專業且有實力球隊的目標。過去幾年幕後贊助流浪的商人黃少華，今季決定走到幕前，而他強調：「球員在流浪只要盡力踢好每場波便已足夠，贏波同輸波都唔使睇老細臉色。」
港隊中堅陳偉豪昨強調，重返流浪，條件非主要考慮因素：「喺南華其實踢得好開心，得到好多，但約滿後冇同羅生（南華足主）傾過續約，有啲嘢唔想淨講錢，反而想返母會做番啲嘢，例如扶植隊裏面年輕球員，希望幫到小將成長接班，但會同佢哋講要將眼光放遠啲，有機會要出去闖。喺流浪出身，都想趁自己仍有能力嘅時幫球隊攞番個錦標。」下月便為人父的偉豪表示，不擔心離開南華便影響入選港隊的機會。此外，流浪正物色外籍及本地教練各一，以減輕領隊兼教練陳鴻平的工作量。