【本報訊】「死嘅係佢媽咪同個妹，但係佢一滴眼淚都冇……我覺得好恐怖……」15歲少年簡家良刀殺母親及妹妹慘案，家破人亡的簡父案發後趕往醫院，凝望坐在病床上的兒子，感覺如此陌生。簡父對記者說：「佢（家良）好平靜、冇發狂，畀我嘅感覺係一個做錯嘢，好似考試成績唔好，驚家長責怪咁，唔係傷心，但有少少慚愧！」
記者：黃學潤 江寶龍
涉嫌殺死母親及妹妹的簡家良，昨天被警方落案控以兩項謀殺罪名，今天在荃灣裁判法院提堂。留守命案凶宅一晚的簡父，昨天一早便跪在家門口，雙手合十拜祭亡妻和女兒，他望着記者哭着說：「我死又唔死得，我唔知點好，一個大好家庭冇咗啦！」
在荃灣享和街住所對開經營茶餐廳的簡福駒，一夜之間失去了妻子和女兒，而釀成這場慘劇的竟然是他最愛的兒子。「諗唔到，15年來我一啲都察覺唔到個仔有精神病！」傷心的父親，此刻也許寧願相信兒子真的患病，而不敢去想像只有15歲的他，為何變成一個殺人狂，親手殺死母親和妹妹。
「我死又唔死得，我唔知點好，一個大好家庭冇咗啦！」
人稱駒哥的簡福駒，昨天帶記者走入案發現場，坐在妻子、兒女卧屍的客廳裏，他一邊哭一邊說：「我知我唔可以跌低，我要同兩母女搞身後事，仲有個仔……」與案發當天他接受記者訪問時一樣，他堅稱不知道為何會發生慘劇，「真係絲毫（殺人）迹象都冇o架！（兒子）冇行為怪異，冇發生過爭執。」
簡父說，兒子性格內向，從來不會主動與人傾談，小六、中一曾喜歡上網打機，喜歡玩電腦遊戲《三國志》，但之後已不常打機，但愛看小說、上網、愛看電視上的時事、動物和旅遊節目，不喜歡看電視劇。簡父形容兒子的性格像自己，所以絕對不是一個「有暴力傾向嘅細路」。
「我知我唔可以跌低，我要同兩母女搞身後事……」
但父親對於兒子的內心世界似乎並不了解，他帶記者走入家良的房間，從書櫃上搬下一叠叠小說，裏面大部份是台灣作家九把刀的作品，他隨手翻開《恐懼炸彈》、《功夫》和《狼嚎》這幾本書說：「我都唔知呢啲書講乜，但呢啲有乜暴力呢？」
簡父說，早前，他曾計劃將兒子送往加拿大友人家度暑假，兒子不肯去，他又計劃送他去上海，兒子還是不願去，故在兩、三天前安排他去茶餐廳做兼職，每天工作4小時，由中午12時至下午4時。「我同佢講，暑假咁長，要搵啲嘢做。」事發前，他還問兒子，覺得上班如何，兒子回答說：「冇乜嘢。」
案發前一晚，兒子來餐廳玩電腦，近凌晨1時離開，此時，女兒仲榆曾打電話去茶餐廳找哥哥，想不到一小時後便發生慘劇。簡父形容妻子疼錫兒子，兒子和女兒亦感情不俗，他真的不敢想像兒子會殺死母親和妹妹。
「死嘅係佢媽咪同佢個妹，但係佢一滴眼淚都冇……我唔知點樣講。」簡父案發後隨警員往醫院，當他看到坐在病床上的兒子時，感覺竟然是恐怖和陌生，「佢冇喊，好平靜，我先覺得係好恐怖嘅問題。我唔夠膽鬧佢，怕刺激佢。」
簡家良昨晚被警方落案起訴，記者問簡父會否原諒兒子時，他說：「原唔原諒都係咁，事情發生咗，冇用o架啦，一個大好家庭冇咗啦。」
對於去世的妻子、女兒，他哭着說：「我會將兩母女放埋一起合葬，個女咁細梗要媽咪照顧o架。」簡父送走記者時，記者發現，家中染血家具幾乎全被棄掉，惟獨一輛沾滿血迹的單車，仍放在後樓梯，因為這是他送給家良的禮物，最終不捨得丟掉。
