今年書展，好多政界中人都有出書，社民連黃毓民今年有兩本新作面世，但佢冇乜幫自己做宣傳，反而前日走去撐維園阿哥同星屑醫生本新書場，噚日又去次文化堂，幫堂主彭志銘站台。佢提得最多嘅，唔係自己本《沒有抗爭哪有改變》，而係力銷堂主08年推出、打正旗號研究本地粗口嘅《小狗懶擦鞋》。毓民話，希望後生仔睇呢本書認識粗口典故：「大佬有經有典，喂點解掉哪媽唔講得先？家我哋就真係港事掉哪媽，心事亂如麻嘞！」現場唔少90後聽罷即時科水買書。彭志銘話，唔知係咪呢期hit粗口話題，呢兩日最好賣就係《小狗懶擦鞋》。