同卿姐私下感情甚好嘅譚香文，噚日喺網上電台大義滅親，為政改同卿姐炒大鑊。因病遲大到嘅o靚界民主女神周澄（圖）到達電台後，好快聞到兩人之間嘅火藥味，話現時政改方案唔過都過咗，「希望公民社會放低口舌之爭」。
雖然周澄試圖做和事佬，但講唔夠兩句，又忍唔住話唔太滿意白鴿黨交代如何同中共談判嗰份報告，要求卿姐交代更多仲未清楚嘅謎團，反映要搞掂呢次政改表決後事，絕對唔容易。
適逢書展，周澄透露近排有出版商聯絡佢同大專2012嘅其他成員，話想幫佢哋出本講公投嘅書，但周澄現階段興趣不大，各位想睇女神新書嘅fans，可能要再等耐啲喇。