陳自瑤（YoYo）、劉俐（藍莓）和何傲兒等昨日效法o靚模，在泳池晒事業線谷胸宣傳新劇，主角張可頤和滕麗名則守身如玉，以比堅尼打底加上外衣。滕麗名玩遊戲最狼，將藍莓連人帶艇推落水，令藍莓用作遮掩的裙子也下滑。
無綫新劇《女人最痛》演員包括張可頤、滕麗名、馬德鐘、陳自瑤和劉俐等，昨日齊集恒豐酒店泳池宣傳，眾人以夏日沙灘look亮相，進行水上競技比拼。女藝員事業線盡現眼前，馬德鐘則全程在水中協助遊戲；賈曉晨（JJ）因撞正月事，不能下水，但就被水槍射得全身濕透。
可頤與男友遊巴黎
張可頤和滕麗名以比堅尼打底加外衣，被其他女藝人晒事業線搶鏡。滕麗名卻不甘示弱，玩遊戲跌落水後不斷推人落水，還將藍莓連人帶艇推翻到水中，藍莓身穿的裙子即時下滑，打開心口，事後滕麗名說：「唔止翻佢o架，總之唔係自己組就翻，真係報仇咁報，鬼叫戲中我個造型咁辛苦，要孭住個水袋扮大胸，又要整單眼皮。」
張可頤雖然沒有下水，但成為大輸家也要接受懲罰，被其他藝員射水，她說：「我都算㩒撈啦，收視未過40點就着三點式打底，因為我下晝仲有嘢做，唔想濕晒身，所以同監製講係咁意濕上身囉。」她透露早前與男友及友人去了法國，購物之餘又去酒莊試紅酒，飲到醉醺醺。張可頤表示昨日所戴的帽子也是購自巴黎，她說：「我專登揀呢頂帽出席活動，畀大家睇吓巴黎風格。」
採訪、攝影：卓寶花
