鄧健泓（Patrick）的形象偏向電視藝員多於歌手，其實他喜愛唱歌的程度已達「永不放棄」級數。身為環球歌手的Patrick，現時少了TVB這個宣傳渠道，故他轉攻微博，希望十萬個關注他的粉絲中有10%會買碟支持他。
已經有兩年沒有出碟的鄧健泓於新碟《LINK2PAT'STRICK》中參與了很多，就連MV的拍攝都親力親為，他即將與朋友合組設計公司，幫其他歌手製作MV。新碟中，Patrick一改歌路，不再如以往聲嘶力竭地唱失戀歌，他說：「我唔想成日俾人覺得我咁慘呀，呢隻碟都有慘情歌，嗰隻慘係要聽多幾次先慢慢滲出嚟。」
稱不計銷售量
現時歌手最大的宣傳渠道是無綫，可惜身為環球歌手兼TVB藝員的Patrick未能於TVB唱新歌，又不可亮相其他電視台。深信天無絕人之路的Patrick，於是轉攻微博宣傳，他說：「好多人可能會覺得我好慘，其實好多嘢都係整定，係你就係你o架啦，好彩家有YouTube、微博，同埋家出碟都唔會計隻碟賣到幾多，仲有冇機會出碟先係最重要。」
Patrick樂觀地說：「我微博有9萬幾近10萬fans，如果有10%支持我已經好好啦，同埋我到家都做到自己鍾意做嘅嘢，點解仲要覺得唔好彩呢？」
電視形象太深
事實上，很多人認為Patrick的「電視除」太深入，只記得他是一個演員，加上他得到陳志雲的器重被列入為迷魂黨，Patrick沒有為此不高興，他說：「陳生係一個提攜我嘅人，呢個名係人哋創作出嚟嘅，所以我唔會唔開心。至於我電視形象太深入，可能喺《男親女愛》時畀人印象太深，其實我拍過嘅電影都好多人留意。」
採訪：李珮洳
攝影：陳順禎
化妝：YenLai
髮型：Mingofihair
服裝提供：absolute