林莉日前接受商台節目的訪問，近日她忙於在書展宣傳其寫真集，今次她在其首本寫真集內大玩人體彩繪，赤裸在身上畫滿繪圖，她自爆單是畫彩繪已畫了近8個鐘，她說：「雖然畫嗰時好凍，但感覺好興奮，今次彩繪係我構思，因為之前4月做活動時接觸過彩繪，所以愛上呢樣嘢。」
冇要求清場
林莉笑言不知是否因為她怕癢關係，所以阻礙到進度，她說：「幫我畫係五個女仔，我冇特別要求清場，燈光師同同事都係男仔，但自己感覺都自然，好似着咗全宇宙最靚嘅衫，不過返屋企就冲咗五次凉，皮膚亦都有少少紅。」
此外，現時專注模特兒工作的林莉坦言在香港未敢坦蕩蕩行catwalk，因為擔心被人用有色眼鏡觀看，反而在外國她就有膽量嘗試。
撰文：林妃