自去年起o靚模寫真集淹沒書展，今年更鬧得滿城風雨，所有o靚模被禁入書展舉行簽名會。商台DJ少爺占、Donald、麻利亞，王貽興和解夢師夢妮坦，均會於書展推出文字書、插圖書。少爺占更預先張揚會以deepV舉行簽名會，對撼o靚模。
商台DJDonald於今年書展推出名為《銀河道士講鬼故》的書，更附送十多張「黎明靈符」，書中的插圖更是出自他的手筆。原來早於11年前，少爺占已鼓勵Donald出書，可惜等了11年才成事，Donald日前說：「最主要係懶，所以一直都的唔起心肝，今次我呢本書除咗係講鬼古，其實入邊會有唔同嘅訊息，加上我好鍾意黎明嘅金句，所以寫咗十幾道黎明靈符等大家開心吓。」
「deep到落大髀」
至於阿占第三次與好友王貽興推出交換日記系列《是不是這樣的日記你才會這樣的寫給我》，彼此交換心事、愛情、工作點滴。問到二人會否擔心純文字書未及o靚模寫真搶手，阿占及王貽興反而支持o靚模入書展，阿占說：「家家有求啫，大家唔需要去到罵戰地步，我到時簽名會會着deepV，仲會deep到落大髀呀。」王貽興就認為：「書展係一嚿肥肉，只係o靚模搶灘成功，先咁大迴響。」
解構藝人夢境
第一次出書的麻利亞，一手包辦文字及插圖書《麻利有隻小薯仔》，希望用其愛犬薯仔的趣事吸引一眾愛狗之人支持，她笑言：「我又冇身材，所以到時簽名會惟有送多啲禮物畀讀者啦。」
此外，在商台節目中為藝人解夢的夢妮坦所寫的《發你個夢》，書中收集了孫耀威、謝安琪、張敬軒及鄧麗欣的夢境，解構他們的內心世界，夢妮坦打算於簽名會中抽時間為讀書解夢，她說：「我會好似睇相佬咁贈大家幾句啦，希望吸引到多啲人買我本書啦。」
採訪：李珮洳 攝影：仇志德