富豪酒店太子女羅寶文昨日為其勵志新書《Bodhi開心family5Q成才》，於銅鑼灣其家族名下酒店舉行新書發佈會，其四嬸朱玲玲、閨中好友陳志雲及黃德如等前來撐場。
問陳志雲會否以羅寶文的勵志書勉勵自己？他即拋出金句：「屋寬不如心寬，無論人生幾咁刺激同平淡，都有反省空間。」之前有傳TVB施壓封殺，令他取消在商台開咪做節目，他說：「係個人理由，暫時延期，唔好咁講，對TVB唔公道，家冇乜嘢做，充實吓自己。」
問到羅寶文會否邀請志雲過檔，她說：「我何德何能？有才華嘅人將來一定貢獻社會同有成就，我哋無所不談，佢嘅興趣唔係酒店。」
朱玲玲擔心啟人
此外，朱玲玲前來支持姪女，問到孻仔霍啟人涉醉駕，她說：「好彩佢冇事，做媽咪會了解番件事，佢身體冇事，下個月要再調查。」
問到未來新抱郭晶晶透露不心急結婚，朱玲玲說：「急唔嚟，都唔係新聞，傳咗好耐，佢哋有自己計劃。」記者笑她會否恨抱孫，她說：「自己鍾意小朋友，不過唔會因為鍾意而畀壓力佢哋。」
採訪：顏英儀
攝影：陳慧安