葉翠翠以往在不同劇集入面，都是做同一類角色，就是別人的女朋友，沒有甚麼性格可言。最近她終於有得發揮，就是在今晚結局的無綫劇集《情越雙白線》中，飾演坐輪椅的殘障人士。今次終於有戲可做，翠翠開心又興奮，在輪椅上面不停練習，還磨到手皮破爛。
葉翠翠選完港姐，之後加入無綫做主持，客串拍劇，經常在劇入面做同一個角色，就是別人的女朋友，沒發揮可言，翠翠日前說：「真係做得太多人哋嘅女朋友，冇乜自己性格。」
非法賽車致傷殘
在無綫劇集《情越雙白線》中，翠翠終於不用再做別人的女朋友，她可以做一個有性格有特徵的角色，就是飾演高麗芯（徐子珊飾）的朋友Daisy，Daisy和高麗芯是大學同學，感情要好，Daisy一心想投身警察，卻因為一次交通意外，被非法賽車輾過雙腳，令致雙腳癱瘓，之後要以輪椅代步。
翠翠很開心可以被安排飾演這個角色，她說：「今次做一個坐輪椅嘅人，可以突破自己，同埋學到好多嘢，以前從未試過去感受殘障人士嘅心情，今次有機會見多啲，睇多啲。」
問翠翠飾演殘障人士可有難度，她說：「我成日要坐喺輪椅度學人哋點樣做，成日喺片場轆嚟轆去，轆到隻手起枕，皮都爆晒！」
黃浩然示範跌低
雖然手破血流，翠翠認為辛苦是值得的，她還記得黃浩然怎樣教她做戲，她說：「佢真係好好，記得有一次話我要喺輪椅跌落嚟，我唔識點跌，佢真係親自示範，喺輪椅凌空咁跌落地。我真係學識咗好多嘢，我都好希望可以有更多機會同呢種前輩合作。」
採訪：楊潔雯 攝影：仇志德
場地提供：天與地