為祝賀樹仁大學校監胡鴻烈同夫人鍾期榮校長今年90歲大壽，樹仁師生同出版社合作，重新出版佢哋兩個57年嘅著作《人權與國籍》，噚日在書展舉行簽名會，幾十名學生同法律界人士捧場。
胡校監同八方講，五、六十年代內地政局不穩，佢剛由法國留學回來，趁香港舉行聯合國人權委員會會議，遂以國際法解釋人權同國籍嘅關係，後來將演講結集成書。舊作重新出版，胡校監對香港近年人權有乜嘢看法呢？有冇退步？佢好精靈咁話"uptoyoutofindout"。
胡校監桃李滿門，84年畢業舊生陳國雄律師噚日到場請胡校監簽名；法官陳振國雖然唔係樹仁畢業，但好欣賞胡校監對法律界及教育界貢獻良多，噚日亦有捧場。