馮仁昭四圍超：范冰冰嘆悠長假期男友傍實 - 馮仁昭

內地女星范冰冰早前同經理人穆曉光喺法國被記者影到手拖手嘅相而傳出緋聞，雖然冰冰對戀情例牌否認，又自爆已經三年半冇拖拍，但係佢同穆曉光仍然不避嫌成日孖住出巡，近日拍完電影《趙氏孤兒》之後，冰冰開始放3個月嘅長假，雖然佢日日瞓到日上三竿先起身，但係佢嘅生活仍然好多姿多采，日前佢就相約好友王學圻、趙文卓兩公婆、同埋電影公司老闆于冬飯敍，而經理人兼緋聞男友穆曉光繼續形影不離陪住冰冰到場，兩個一啲都唔避忌，似乎唔怕緋聞傳完再傳。
日前着住素色上衣，外披大披肩兼戴上眼鏡嘅冰冰喺穆曉光嘅陪同下現身酒店，冰冰同一眾友人飯敍足足兩粒幾鐘先至盡興離開，一身便服嘅影帝王學圻最先離席，之後其他人亦陸續離開，雖然冰冰到場時有穆曉光傍住，不過當佢離開時，穆曉光唔見人影，反而換咗助手喺身邊。

手挽限量潮袋

此外，冰冰日前又被影到拎住一個熊貓造型嘅閃石袋現身酒店，原來佢嘅手袋來頭不小，係意大利著名品牌Anteprima為慶祝上海舉行世博而推出嘅限量潮袋，難怪冰冰愛不釋手。