【本報訊】書展昨日揭幕遇上3號風球，但逾七萬書迷仍無懼風雨進場，「o靚模」也破禁空降踩場，有的扮作工作人員派海報，有的無端端繞場一周，部份更偷偷為「粉絲」簽名，吸引大批記者及龍友拍攝，場面混亂。有書商及家長不滿，但冒雨輪候的13歲少男卻叫好：「我鍾意佢（周秀娜）靚同身材好。」記者：翁煜雄、白琳、劉世達
主辦的貿易發展局為防混亂，首次禁止o靚模書展中舉行簽名會，反而令o靚模成為焦點，部份昨日懶理勸喻踩場，以浸大咪神楊梓瑤（Carol）、Rainbow為首的Donuto靚模團，下午2時許率先以工作人員身份，到出售其寫真集的攤位，由數名保安員作人鏈保護，數十記者及龍友爭相拍攝，高呼：「行開呀，阻住我鏡頭呀！」
附近書商書籍被逼得東歪西倒，有家長避之則吉，大會即派保安員維持秩序，也有兩名貿發局職員一直在場中監察。Carol其後在經理人小津從旁提示下，違規偷偷為「粉絲」簽名；經理人事後直認遭附近書商投訴引起混亂，「俾人鬧到爆」。
小童雀躍 o靚模：唔好賴我哋
Rainbow等人又繞着攤位行一圈，有約8歲小童認出她是o靚模，即興奮雀躍大叫：「o靚模，o靚模。」o靚模們即送上海報作見面禮，「其實混亂唔係我哋做成嘅，係佢哋大會嘅安排啫，唔好賴晒落我哋度」。一眾鶯鶯燕燕，最後在貿發局勸諭下，擾攘30分鐘後才離場。
「妄攝」o靚模Cat等成員也在稍後踩場，其間破禁簽名，成員Norain說：「我只係喺本書寫自己個名，貿發局都捉字蝨話我哋係o靚模。」
o靚模周秀娜和新舊八模成員昨日選擇不入場，只安排流動簽名車停泊金紫荊廣場外，警方派出警員到場架起鐵欄維持秩序，終因天雨關係移師博覽道，但無損粉絲熱情。
粉絲需先於早上到書展出售有關寫真的攤位輪籌，繼去年有13歲男童到動漫節搶購周秀娜巨型攬枕，昨日13歲賴姓男生和14歲黃姓男童冒雨趕來，賴姓男生更身穿校服到場，他表示排了約半小時：「我鍾意佢靚同身材好。」
為了周秀娜 男生「淋病都抵」
周秀娜事後跟他搭膊頭合照。同行的黃同學則坦言：「雖然落雨，淋病都抵。」
昨日連場大雨，天文台下午更發出3號風球，但截至5時已有逾七萬人進場，較去年多4%。三聯市場營銷部副經理梁麗嫻說，昨晨人流因大雨較去年少約10%，但顧客仍「爽手」，平均各花逾200元。商務發言人符俊文說，人流下午回升，整體生意未受影響，颱風期間更提供特別優惠，「咁大雨都嚟，都要多謝吓佢哋」。皇冠發言人說，雨勢越大場內人流越多，「因為大雨，留喺場內避吓雨囉」。SmartKid'sClub負責人Raymond說，雨天對人流影響不大，反而不准o靚模舉辦簽名會後，部份家長樂意帶子女進場，生意反升四成。
為乜入場？
《贈品》
排頭位 傅小姐 18歲
「前一日10點就嚟排隊，上年都係排頭位，今次係為咗買傅穎寫真集，因為有限量相機繩送！」
《學業》
預科學生 鄧先生 18歲
「對嗰啲寫真集冇乜興趣喎！想買定啲參考書應付高考，呢度應該會平啲，預計使300蚊。」
《慳錢》
有一名10歲兒子 區先生
「兒童區啲書好集中，比出面平好多，買咗1,000蚊課外書同補充練習，應該慳到300蚊。」
今日書展部份講座
時間：2pm-3:30pm
講者/內容：兒童小說家AnthonyHorowitz
地點：會議室S423-424
時間：3pm-4:30pm
講者/內容：梁秉鈞（也斯）、黃國兆/從改編《酒徒》說起
地點：會議室文藝廊活動區
時間：4pm-5:30pm
講者/內容：曾志豪、彭晴、黃明樂、陳嘉銘/中女．宅男．挑書
地點：會議室S228
時間：5pm-6:30pm
講者/內容：韓寒
地點：演講廳1
資料來源：貿發局