運輸業界本來邀請環境局局長邱騰華後日大暑落區，體驗大熱天時停車熄匙在車廂焗桑拿滋味，可惜貴人事忙，立法會議員亦唔係個個有時間，最終定喺下星期一齊齊出動。
為免被指屈機，當日下午1點，即係太陽最㷫時間出發，先到上環感受巴士噴出嘅廢氣、熱氣，對行人有乜嘢影響，之後去銅鑼灣謝斐道，嗰度人多車多，一般人不宜久留，邱騰華等人，都係預算逗留20分鐘左右。
之後過海去藍田港鐵站巴士總站，呢個總站出名空氣唔流通十分翳焗，唔知權貴能否忍受20分鐘。之後就去花園街、通菜街小巴站，該處可以話係旺角「火燄山」，市區「蒸籠」，邱騰華坐上停車熄匙小巴、的士嘅話，八方祝佢好運。