我繫蝴蝶

自LadyGaga將大束頭髮，綁成蝴蝶高掛頭上，變成型人髮飾後，蝴蝶一朝成潮物。翻開日本雜誌，更經常看到日模以頭巾綁成蝴蝶做髮飾的造型。換個場景返回香港，港女港妹雖學足日女，但總是欠缺了甚麼？一有差錯便貶稱為「娘」，同款蝴蝶，結果卻有異，何解？今次便拆解繫蝴蝶的精髓，無錯！我繫蝴蝶！

撰文：桂論美
攝影：梁細權
Model：Allie@StarzPeople
化妝：Dera@MODMakeup
髮型：[email protected]

日本一地蝴蝶頭！7月號《Cutie》封面北川景子也以綁單邊蝴蝶絲帶見人。

無痛N巾

絲巾有N種，一般是一大塊方形，可綁出不同變化；另外是似繫頸的絲巾，長方一大條，將之捲成長條形便可綁蝴蝶。若揀類似頸巾的長方絲巾，便要選質地輕身的（輕至似絲質），因怕棉質太大嚿難以綁出造型。最近巿面多了很多日系鐵線頭帶，頭帶內有軟軟的鐵線方便扭成不同形狀，售價豐儉由人，貴者似棉質質地好，平者扭幾下便易爛，但當潮流小玩意平買亦無妨。

■以方形絲巾綁蝴蝶頭，要先對摺成三角。

■然後隨喜好捲成一條，便可打蝴蝶結。

■左起：淺藍牛仔布圈$139（a）、水手黑白間圈$89（b）、杏色碎花鐵圈
$139（a）

■粉紅格仔頸巾$439（a）、漸變綠色絲巾$439（a）

■Paul&Joe四方形手巾$139（a）

■方形大絲巾$15（花園街小檔）

1.薄髮　蝶戀花打孖上

日劇《月之戀人》雖收視不佳，但單看北川景子多變造型也值回票價，當中的造型便常以絲帶綁蝴蝶做頭飾。但奉勸跟風前得明白若綁得不好，整個造型都很累事，髮型師Will建議視乎頭髮多寡做人，「若本身頭髮稀薄，可先束馬尾再綁蝴蝶，有了豐盈的頭髮便可令造型較時尚，亦可遮掩薄髮缺點，但記得馬尾不要紮得太正中或太緊，最好有少少不規則的隨意感，再綁上蝴蝶更覺自然美。」

Front

Back

1頭髮髮尾捲鬈後把左邊頭髮撥去右邊頭頂紮成斜向型馬尾。

2把長條形絲巾捲成一條後，繫在馬尾結上綁一個交叉結。

3然後綁一大個蝴蝶結，綁法跟綁鞋帶一樣，注意要留長尾巴。

4於留下來的長蝴蝶結尾巴，再綁多個蝴蝶結，這便成雙蝴蝶。

2.濃髮　形單蝶隨意捲

頭髮濃密型，可簡單捲鬈塑造散亂感重的鬈髮，再綁鮮艷蝴蝶絲帶便可將平凡的鬈髮造型變得不一樣。Will：「這綁法長中短髮型者都合適，髮質多且厚的更好，因可用頭髮遮去大部份頭巾，感覺似戴蝴蝶頭箍，幾乎可只露出頂頭的蝴蝶結，也可減出事機會。若額前有短劉海可將之吹至平齊內屈；屬長者則吹至側邊以避面形圓大的問題。」