因為喺《超級巨聲》亮相，羅敏莊嘅歌藝再受關注，噚日佢接受商台訪問時講到佢多年嚟喺圈中鬱鬱不得志嘅遭遇，仲話曾經有段時間情緒好唔穩定，亦有嬲過之前唱片公司高層李進，嬲佢只係力捧鄭秀文而唔理自己。另外，原來羅敏莊一直有同王祖藍等好友搞劇團，仲透露曾經得到劉德華相助，羅敏莊話：「華仔幫我哋搵贊助商支持劇團要用嘅T恤。」