陳偉霆（William）昨日與曾傳緋聞的G.E.M.現身馬鞍山，為漫畫家「留馬仔」的漫畫展覽宣傳，介紹香港地道美食。William自言三餐有兩餐都吃茶餐廳，G.E.M.聞言說：「我今朝都食茶餐廳，又快又平，我好窮，要留番啲錢買嘢。」
相約食茶餐廳
問G.E.M.有否帶緋聞男友、台灣歌手林宥嘉吃過香港美食時，她說：「冇喎，佢唔係嚟過香港好多次之嘛，下次帶佢去茶餐廳囉。」
William則謂不知G.E.M.與林宥嘉傳緋聞，他說：「我仲停留喺側田、我同狄易達嘅階段。」他透露出席活動前一晚收到G.E.M.電話，又謂相約活動完畢一起去吃茶餐廳，他說：「等我質問佢同林宥嘉啲嘢。」不怕被拍照再傳緋聞？他說：「唔怕，都傳到冇人信。」G.E.M.即笑說：「即管問啦，你請客我講乜嘢都得，平時就只講音樂。」
採訪、攝影：楊潔雯