發展局局長林鄭月娥唔只好打得，原來仲好吹得！記協刊物《記者之聲》批評官員經常閉門吹風，林鄭噚日率領一眾常秘、副秘書長出席一個「不錄不攝」嘅傳媒茶敍講規管發水樓，劈頭就話：「發展局從來唔做吹風會。」咁都講得出，搞到八方都唔知自己出席緊乜嘢場合。
正題講完，林鄭主動問記者對官員會見傳媒方式有乜嘢意見。有行家即場踢爆林鄭5月在一個傳媒午餐會講市區重建，卻要傳媒用發展局「發言人」身份報道，唔可以提佢個名。林鄭解釋當時政策仍在諮詢階段，唔用局長名義發言，係怕公眾以為政府已有決定。
發展局不時搞吹風會，林鄭辯稱係想訓練官員習慣面對傳媒，但又唔想下屬有壓力，否則影響佢哋精神健康，用心良苦o架。