鄭欣宜近日努力減肥，由最高峯200多磅減到現在甚見成績，昨天她穿上花衫出席活動，已尋回多年失蹤的腰部，欣宜希望可以減到120磅，現在距離目標有10多磅，她表示瘦身後並未有招來狂蜂浪蝶，向男友Mark大派定心丸。
鄭欣宜、黃婉佩（Race）和丁子高昨日出席海港城CupcakeVoyage藝術展，三位嘉賓即場設計cupcake，大會司儀更着丁子高設計BB造型的蛋糕，送給將來與楊千嬅的BB。
目標再減多10磅
現正積極減肥的欣宜身形比以前瘦了一圈，不過站在身形纖瘦的Race旁邊，肥瘦立見，欣宜說：「家體重超過120磅，距離目標仲有10幾磅，希望再減多啲。」減磅後的欣宜表示上圍略有縮水，她說：「都有，不過cup數冇升降，比例上OK。」
問欣宜減磅後男友MarkRyan可會擔心她會招來狂蜂浪蝶？欣宜向男友派定心丸說：「唔會，我見朋友時好懶，冇乜打扮，又黑眼圈，不過朋友都鼓勵我減肥，而且身邊男性朋友都當我係兄弟。」
提到樂壇教父戴思聰逝世，欣宜表示並不認識他，她說：「我覺得係一個損失，以我自己嘅經驗，希望大家畀佢家人多啲時間同空間，希望佢哋心情可早日平復。」
Race賀男友生日
此外，丁子高在台上自爆昨日是他的農曆生日，他說：「每年生日都有食齋嘅習慣，千嬅喺香港，佢喺度已經係最大禮物，不過唔會慶祝。」Race也透露今天是男友向佐的26歲生日，她表示會炮製cupcake賀男友生日，她說：「今年我會炮製26個cupcake畀佢，因為向佐今年26歲，仲要佢食晒，佢不嬲鍾意食甜品，今年第二年同男友慶祝生日，上年整蛋糕，希望有一日可以整100個cupcake畀佢。」
採訪、攝影：R.AuYeung