下半年金、股、滙及債可能都在跌跌碰碰中度過，這個世界一切都是唯利是圖講回報，無息收、無惡性通脹、無打仗危機嘅種種原因已令黃金失去吸引力，盤太大難甩身，惟有打開口牌與自己手影對着幹，唔係又點樣可以成功甩貨上演勝利大逃亡！
經濟新常態搞多元化
PIMCO大名鼎鼎嘅「債王」BillGross，以前唔止一次轉軚話美債牛市，近期又轉軚話買股唔買債，反而開闢新戰線。
PIMCO嘅CEO是MohamedEl-Erian，佢認為全球經濟進入新常態，總之要搞多元化，現時連美國10年期國庫券孳息亦已在短短3個月之間由4厘之上跌至3厘以下。
市場錢太多，又唔肯擺番入銀行，結果現水平再吸納債券真係隨時連管理費都未必賺到，令人擔心他們會否成為下一個只顧拓展業務不顧風險敞口的大型銀行翻版，當一盤擁有既定成功模式的生意發展至十字路口，管理人便容易自亂陣腳，甚至偏離經營原則。
企業盈利上升，彭博通訊社綜合超過2000個預測，指標普500指數2011年5月之12個月內會上升26%，過去10年，PIMCO在債券、期貨及信貸違約掉期投資上跑贏97%同業。忽然轉軚，是否意味着債券的黃金30年已過？
然而，人往往很不理性，正如滙豐控股（005）與渣打集團（2888），後者無論在股東資金回報、資本充足比率、新興市場回報及資產含量均較前者優勢，然而太多老香港就是受情意結控制，結果常常以為前者由去年3月低位來完兩個前空翻後再來一個後空翻，結果股價只是翻一番，後者股價由同期不足70元低位一樣來兩個前空翻，到今天仍無乜損失。
今年上半年恒指唔見7%，但前者跌13%，後者就升7%。
胡孟青
獨立股評人