鄭則士、黃浩然和徐子珊等昨日到將軍澳宣傳新劇《情越雙白線》，黃浩然即場上演「求婚大作戰」，一臉為難跪下作狀向徐子珊求婚，子珊說：「冇理由搵個結咗婚嘅向我求婚o架。我家有人追，但冇一個穩定關係，又唔想拍散拖。」
睇好黃浩然
早前黎耀祥揚言睇好鄭則士（Kent哥）問鼎視帝，但在娛圈打滾多年的Kent哥深明遊戲規則，他斬釘截鐵說：「冇可能，大家都知點解啦。佢講呢句都係客氣啫，好戲冇用o架，要講好運，反而睇好黃浩然可能提名。」
黃浩然表示拍該劇令他和Kent哥成為莫逆之交，並爆Kent哥曾在40多人面前責備他，但有機會被兩屆影帝罵，他已覺得沒所謂。
採訪：楊潔雯
攝影：彭琮然