上禮拜五花旗股市勁跌，港股噚日大幅低開，個市好快企穩，原因有幾個，日股休假，A股造好，對大市嘅氣氛都有支持，而恒指以20007低開，已經係支持位50日線相若嘅水平，會有一定支持力。
技術上港股係單日轉向嘅形態，雖然恒指收市都係跌，但已企穩，仲建立咗反彈嘅初步條件，如果花旗股市回穩，恒指可以上試20350。
富力C輪22726：富力地產（2777）收報11.06元，升1.28%。股價早排跌穿過50日線，但好快爬番上嚟，股價噚日現破腳穿頭，又出現利好嘅黃金交叉，短線有機會試12.60元，破位睇13元，可以諗吓隻C輪22726。
隻輪現價21.1仙，2011年1月31日到期，行使價10.30元，溢價12.2%，引伸波幅56.1%，槓桿率5.2倍（有效3.4倍），正股升上13元，22726睇35.1仙，正股跌穿10.36元就沽咗隻輪。
俊樺