從小已認識Kipling這個品牌，事關我認得佢隻Cute爆馬騮Icon。不過今時今日的Kipling已經跟從前的有所改變，它在我心目中的少女帆布袋形象今日已搖身一變成為成熟的皮革手袋；從前OL們覺得太過Casual的帆布袋，如今又有斯文上班必備的皮手袋。好似婷婷話齋揀黑色大Size的皮手袋就絕對唔會有錯，在Kipling這裏可找到啊！
記者：胡卓琳
攝影：林栢鈞
GuestModel：謝婷婷
Wardrobe：H&M及Jules
婷婷愛大碼
訪問婷婷平日揀手袋有咩要求。她簡單直接話自己屋企最多係黑色大Size皮手袋：「我喜歡Size夠大的袋款，因為可將所有物件都放在內，而且最好間隔要夠多，這樣就更容易將物件分類，其次因為我怕污糟，所以黑色就最穩陣。」婷婷揀袋同揀男友一樣，目標清晰！
Vintage洗水皮
Kipling秋冬另一個皮革系列就是MercuryMyth，這系列特別在用料上以柔軟的皮革糅合皺褶及洗水的布料設計，加上較沉的Moody柔和色調，感覺有少許殘舊的Vintage味，優雅得來高貴。
洗底靠皮手袋
全新的VintageLeather系列，以Rock-chic元素配合玩味設計，營造出搖滾味道的感覺，系列中以古銅皮革手袋又或以皮革拼帆布等設計，創新亦親民。老實說齋睇袋款及用料絕不會察覺這是出自Kipling手筆，事關自幾年前Kipling已開始使用皮革作為手袋的原料，希望藉此洗去Kipling只有帆布袋的形象，都啱嘅，手袋始終係皮製較吃香。個人推介當中幾個充滿Rock味的窩釘款，不過舖頭話要下一轉先返貨，有心就睇定得閒落舖巡吓啦！
老本運動型
除了革新的皮革款，當然不少得Kipling老本行的運動型袋款，全新秋冬運動系列叫SportIntense，以經典的夾棉作為布料，當中袋款以柔和的色調配合嶄新的幾何立體剪裁，感覺上較女性化，實用且耐看。
彩色旅途
今年Kipling秋冬的手袋系列發佈會就以「JetSet」為主題，當中不乏適合旅遊公幹使用的大大個的行李箱及品牌焦點的彩色帆布系列手袋及銀包，各位請對號入座。
地址：銅鑼灣名店坊11A號舖
顧客查詢：29536188