花旗股市上禮拜五急挫，道指收市跌穿10100，唔見咗261點，沽壓大，成交急增，沽貨嘅理由係消費情緒指數急跌，前景唔樂觀，係咪只係一個炒作藉口？睇番早幾日聯儲局嘅會議紀錄，並唔係咁，因為聯儲局啲委員都幾驚通縮，睇個勢，道指好大機會又會下試9800。
花旗股市跌咁多，港股今日好難有運行，不過恒指19800有機會守得住，氣氛會唔會比預期更差，就要睇A股表現。
聯想C輪23449：聯想集團（992）上日報收4.68元，升2.6%。呢幾日走勢其實唔錯，有上試5.10元嘅勢頭，港股好大機會跟花旗股市下跌，聯想會略為低開，提供低吸機會，可以諗吓隻C輪23449，博正股遲啲上試5.10元。
隻輪現價51仙，2010年12月13日到期，行使價5.09元，溢價19.7%，引伸波幅56.1%，槓桿率9.2倍（有效4.4倍），正股升上5.10元，23449睇73.3仙，正股跌穿4.40元就沽咗隻輪。
俊樺