姚嘉妮噚日同老公林祖輝喺將軍澳出席「分享愛．愛分享」親子活動，兩公婆喺星期日都要做嘢，梗係帶埋1歲幾嘅囡囡嚟湊熱鬧啦！姚嘉妮一做完活動就即刻抱番個女，真係分開一陣都唔捨得。佢話最近喺新劇裏面扮大肚婆，令佢好懷念大肚嘅感覺。問佢想唔想快啲生多個？佢話：「等囡囡讀幼稚園先啦！」