中環在線:世界盃帶挈奧海城收入破紀錄 - 李華華

中環在線:世界盃帶挈奧海城收入破紀錄 - 李華華

四年一度嘅世界盃已經告一段落,埋單計數,信和集團大老闆黃志祥真係要多謝呢個盛事。事關信置(083)大角嘴嘅奧海城商場,半年度收入同人流都勁升,收入13.8億元升咗12%;人流有5900萬,升15%。呢兩瓣齊齊創出開業九年以來嘅最高紀錄。
信和集團商場推廣總經理蘇蔡潔蓮承認,除咗經濟好令消費信心增強,亦因為搞世盃直播,又有新盤喺商場入場設示範單位,刺激人流;另外信和用咗超過2000萬銀彈谷消費,人氣梗係急升啦!蘇太仲話,奧海城下半年會繼續定期安排啲內地消費團嚟購物,刺激吓生意。