葉劉淑儀做主席嘅匯賢智庫噚日慶祝4歲生日，搵嚟匯賢智庫學苑顧問團成員包括海洋公園主席盛智文，一齊切蛋糕。點知盛智文一見到生日蛋糕出場時，就笑笑口話其實佢噚日都係壽星仔，結果匯賢生日會突然變成盛智文60歲慶生會，在場人士齊齊高唱生日歌，最後盛智文仲主動送咗個birthdaykiss畀葉劉（圖），得葉劉好開心。盛智文話生日願望係大家happy，今晚喺老蘭癲番晚。
葉劉個囡囡就問盛智文，德國嘅八爪魚保羅可唔可以喺海洋公園亮相，盛智文有啲難為情咁話，如果保羅真係嚟，全港市民個個發達，但馬會一定破產，睇嚟成事機會唔高。