譚詠麟（阿倫）前晚在紅館展開共8場演唱會，當晚他請來樂隊Mr.做嘉賓，一向有忘記歌詞習慣的阿倫，唱出《半夢半醒》時兩度甩嘴，他搞笑指着台下一位肥男fans說：「我以為你係肥萍，所以先影響到我。」但當晚所見阿倫的癡心Fans肥萍似乎未有捧場。
另外，阿倫跟和音靚女合唱又鬼馬地說：「乜你成個o靚模咁樣，不過冇事業線。」有觀眾叫阿倫不要亂說，他反駁：「乜唔講，呢個形容詞我發明。」
乖仔到場打氣
事後問到甩嘴時，阿倫笑稱：「我真係以為係肥萍，不過我知佢跟咗古巨基，幾好呀，有品味。」阿倫又透露乖仔曉風在場看騷，為爹哋打氣。
採訪：馬建華
攝影：林德雄