資深傳媒人杜惠東近日都湊熱鬧出書，噚日佢出席apm舉行新書《繁星閃閃》嘅簽名會，今次除咗有一班好友撐場外，梗係唔少得乖乖女杜如風，不過呢個姍姍來遲嘅如風認真搞笑，喺活動上順勢宣傳自己本新書，仲叫大家記得書展搵佢簽名，猛咁hardsell自己，之後佢都識做大讚阿爸支筆犀利，可以養到佢咁大。見怪不怪嘅杜sir話難得阿女咁支持，所以佢都會去支持番阿女喎！