由鍾欣桐（阿嬌）同方力申主演、經過兩年沉澱嘅電影《出水芙蓉》，前日同荷李活動畫《反斗奇兵3》一齊上映。不過前者首日只得12萬票房，後者勁收497萬。
復出作僅收340萬
阿嬌之前嗰部復出之作《前度》，落畫埋單都係得340萬，同期同類片、由薛凱琪主演嘅《分手說愛你》仲上映緊已經有1,000萬，阿嬌都算運滯，佢每次有戲上映，唔係撞正同期猛片，就係撞正同類型競爭嘅戲，始終被比下去。
方力申巡戲院促銷
其實《出》片原本係拍嚟迎接08奧運，戲種又係勵志，又有運動元素，只係阿嬌涉及艷照門事件，所以部戲被迫放喺倉底兩年，隔咗咁耐先拎出嚟見光，倉底味真係頗濃，家就睇下呢個周末方力申去巡戲院可唔可以幫到銷飛嘞。
至於同日上映嘅另一部動畫《反3》就威好多，以497萬打破咗之前由《史力加萬歲萬萬歲》保持咗10幾日嘅469萬紀錄，成為歷來動畫首日票房冠軍。但比起《蜘蛛俠3》喺07年所創嘅
