一代樂壇大姐大梅艷芳離世6年，阿梅剩低嘅遺產咁多年來不停掀起訴訟。梅媽覃美金同梅啟明噚日又喺銅鑼灣某酒家舉行記者會，公開批評阿梅遺產案嘅判決，不滿遺產上訴遭駁回。梅媽話：「我唔係為錢，唔係要食，係為啖氣，我贏番嚟做善事都好。」梅媽好勞氣咁話市民好難打官司，不如留番啲錢嚟買嘢，真係有寃無路訴喎。