尹光嚟緊會喺文化中心舉行兩場「尹光霹靂開心爆笑演唱會」，噚日佢去咗觀塘綵排，嘉賓柳影紅（右）同謝雪心都有嚟，心姐仲稍露事業線，真係寶刀未老，但佢笑住話：「乜嘢事業線呀？」得知係用嚟形容o靚模露乳溝，心姐大笑話：「乜事業線唔係喺手上面o架咩？今日又學到嘢喇。」尹光透露演唱會上會rap歌，希望吸納後生fans，但到時唔會好似上次演唱會咁派避孕套喇。