孫耀威噚日喺數碼港出席曼聯新球衣發佈會，孫耀威講到女友陳美詩（Macy）同過氣情人楊秀惠一齊拍劇，佢話已經知道呢件事。問佢會唔會擔心拍掌摑戲時有人假戲真做？佢尷尬話：「據我所知佢兩個係好朋友，拍戲當然要投入，我試過喺內地拍戲俾人摑到滿天星斗，做得呢行就預咗。」佢又話唔會特登打電話畀楊秀惠叫佢手下留情。