Kary加入地下樂隊預咗蝕

Kary加入地下樂隊預咗蝕

吳雨霏(Kary)與樂隊Hardpack最近合作推出大碟,一向鍾情搖滾音樂的Kary希望借此機會,讓樂迷多認識香港的地下樂隊,更希望樂壇能容納多些不同類型的音樂。Hardpack直認推出搖滾唱片要先打定輸數,希望老闆不要預定有錢賺。

吳雨霏2004年曾跟樂隊PingPung合作,事隔六年她再與香港地下樂隊Hardpack合作推出大碟。原來Kary早於16歲時已認識Hardpack成員Kevin,更叫Kevin做Uncle,二人感情十分要好,她說:「我細細個UncleKevin已經帶我周圍睇band騷,今次同佢哋合作真係好開心,個個都好錫我。」

Kary透露早於16歲時已認識Hardpack成員Kevin(左二),更叫Kevin做Uncle。

向來喜歡搖滾音樂的Kary,年前舉行音樂會時曾親自打鼓。資料圖片

「想樂壇有更多聲音」

Kary表示選擇與Hardpack合作,除因想繼續玩搖滾音樂之外,最希望讓樂迷有更多選擇,能聽到不同類型的音樂,她說:「其實香港好多地下樂隊都好勁,只不過香港人唔係咁認識佢哋,好多唱片公司都唔敢簽佢哋,今次公司咁支持我做呢件事,我都好開心,我都想樂壇有更多唔同嘅聲音。」
Hardpack的成員對Kary均讚不絕口,成員Adam說:「我之前都同過唔同嘅歌手合作,Kary好唔同嘅係佢做足準備工夫,唔係入錄音室唱完就走嗰隻,呢樣嘢根本係做歌手應有嘅態度。」
站在唱片公司的角度,推出一隻搖滾唱片要先打定輸數,Kevin說:「我哋之前從來冇簽過唱片公司,今次係第一次同咁大型嘅唱片公司合作,大家都擔心過老闆會唔會應承o架,一開始就唔好預咗會賺錢先,家有邊隻碟係會大賣o架?」
採訪:李珮洳
攝影:陳順禎
化妝:CyrusLee(BeautyTech)
髮型:VinceTang(IlColpo)、Bux(HairCorner)