食過五月糉，月餅廣告已經出爐，中秋節之後，就係十．一。噚日喺中總禮堂有個香港同胞慶祝中華人民共和國成立61周年籌委會成立嘅記者會，宣佈今年10月1日晚喺紅館舉行嘅文藝晚會，將會以「和」為主題。咦，咁隻蟹呢？
籌委會秘書長蔡冠深話，晚會會以內地同香港嘅發展變化做重點，配合正在上海舉辦嘅世博會同11月喺廣州舉行嘅亞運會，展現國家多方面嘅成就，表達對社會和諧共融嘅祝願。活動開支初步預計約230萬元，德成局長轄下嘅民政事務局將贊助部份經費。八方覺得，文藝晚會唔係唔好，但年年都係唱歌跳舞，冇乜新意，不如搞個蟹宴畀全港市民享用仲好啦。