曾經叱咤世界拳壇嘅泰臣（圖），沉寂咗一段時間後，近日到英國出席各項活動，似乎想藉住自己昔日名氣，四圍撈。現年44歲嘅泰臣，會喺英國彼德堡進行演講，同拳迷分享佢前半生嘅經歷；所以到埗後就四出曝光谷人氣，到當地印度餐館食晚飯，又探訪養白鴿嘅農莊主持人。當然，運動項目亦唔少得，泰臣就出現喺彼德堡足球隊同韋斯咸季前熱身賽，仲着埋彼德堡波衫同球迷影相，但佢就變咗「黑腳」，因為彼德堡最終輸畀由新任領隊格蘭帶隊嘅韋斯咸1:2。