【本報訊】餵哺母乳好處多多，但在職女性要完成任務並不容易，有母親因為擔心洗手間衞生，加上男同事閒言閒語，不敢在公司泵奶，被迫放棄；亦有勇敢媽媽不理旁人目光，披一條披肩就讓孩子吃飽飽。本港關注母乳育嬰的團體發起「齊來母乳育嬰日」，呼籲眾媽媽在本月31日同步餵哺母乳，喚起市民關注。 記者：張嘉雯
愛嬰醫院香港協會委員會委員、伊利沙伯醫院婦產科母乳餵哺專科護士林志愛表示，食用母乳的嬰兒智商較食用奶粉的高六至八度，在早產嬰身上分別更明顯，出現哮喘、敏感、腸胃病等的風險較低。她批評本港餵哺母乳的支援不足，巿民對此認識亦不深。
被迫讓兒子飲用奶粉
在醫院工作的陳太，產子後因為工作環境所限，不足半年就被迫放棄餵人奶，「我驚洗手間污糟，office啲男同事聽到泵奶聲又話尷尬、核突，叫我留番屋企做」。同期產子的同事帶了四個易拉架上班，泵奶時把自己重重包圍，結果仍惹來閒言閒語。
陳太說：「唔係話一點lunchtime啲奶話嚟就嚟，可能10點已經谷奶，谷到石頭咁硬，又唔可以即刻走去泵，有時一泵泵成半個鐘先泵到，咁又會離開工作崗位太耐。泵完仲要將啲奶擺落雪櫃，但係啲同事連生肉都擺入雪櫃度，好容易交叉感染。」她最終讓兒子飲用奶粉，「但係就熱氣咗，始終奶粉烘過，BB啲大便硬咗」。她承認餵母乳會令身形走樣，「會有少少變形，不過個個人身形唔同，有啲人會，有啲人又唔會，都係視乎體質」。
經營時裝店的吳太，三年前為剛出生的次子餵哺母乳，兒子最近才戒奶，「真係超方便，佢姐姐細個嗰陣，出街要帶熱水、奶樽、奶粉，佢就唔使，就咁帶條披肩就得，有我佢就有得食o架喇」。她平日在店內餵奶，外出也不會特意找餵奶房，「坐埋一邊冇乜人我就餵喇，唔覺得尷尬，啲人眼望望係啲人嘅問題，唔係我問題」。
下月第一個星期為「國際母乳哺育周」，主題為「成功母乳育嬰十項指引」，全球共120個國家參與，愛嬰醫院香港協會將於本月31日舉行「齊來母乳育嬰日」，呼籲母親當日同步餵哺母乳。
同步餵哺母乳小資料
日期：7月31日星期六
時間：上午11時30分
地點：鰂魚涌社區會堂大禮堂、醫管局轄下醫院產科及兒科部、參與私家醫院產科部、衞生署轄下瀝源及西九龍母嬰健康院、家中、辦公室
報名方法：透過 http://www.babyfriendly.org.hk網上報名，亦可到上述醫療機構索取報名表
查詢電話：25910782
資料來源：愛嬰醫院香港協會