何超儀日前以香港代表身份往台灣出席第10屆貢寮國際海洋音樂祭，面對15萬名熱情high爆歌迷，超儀瞓身演出，懶理穿超短迷你裙，照樣大動作又唱又跳，更唱至飛咪，相當盡興。她謂這種場面香港不會有，希望政府能多多支持rockband。
何超儀日前代表香港往台北出席第10屆貢寮國際海洋祭，在台北福隆海水浴場的這個大型bandshow，一連三晚舉行，首晚由台灣歌手張震嶽及盧廣仲等打頭陣，第二晚由台北一班新進樂隊演出，壓軸騷是台灣以外的代表，超儀與日本visualrock組合SuG。
扮嬉皮亮相
超儀當晚以一身波希米亞嬉皮look會現場15萬high爆樂迷，臉上畫上油彩、額前戴上headband，戰衣則是Ashish的綠色迷你裙，連安哥時間超儀又唱又跳個多小時，超儀接受訪問時說：「真係high到癲，嗰日嘅溫度係台北今年最高嘅，啲樂迷着晒比堅尼嚟睇騷，真係hot爆全場，我仲唱到飛咪。
Hendrix年代
「我唱嘅歌新舊、廣東同國語歌都有，都係懷舊70年代尾80年代頭嘅搖滾曲風，懷舊嘅就係嗰個年代JimiHendrix嘅自由同火氣，就算條裙超短都話之啦，唔會就住就住，呢種場面喺香港都唔使旨意見到，希望香港政府會真係支持吓啲rockband啦！」唱足個多小時後，時間剛好踢世界盃決賽，超儀說：「真係接住high，我自己係捧西班牙隊，睇到西班牙捧盃開心到癲！」
採訪：MichelleLeung