iPhone功能多唔使講，但其中一個可能連SteveJobs自己都唔知嘅用途，就係俾地產代理用嚟綁客同吸客！
好似扎根大埔同上水嘅細行嘉宏咁，佢哋早排出咗一招買樓送iPhone，結果反應奇佳，家仲諗住添食。度出呢條好橋嘅嘉宏話事人菲立．鄧話，打開門做生意，都要諗計回饋吓班客仔，務求大家買樓買得開開心心，咁送咩先可以襯得起班大客呢？送iPhone就最潮兼實際喇，於是乎，之前幫襯佢買銀湖．天峰apartment（600幾萬一間）嗰班客仔，一人送一部32G3GSiPhone畀佢哋，累計已經送咗10部；由於啲客反應好，仲上網訂多10部㖭！咁點解唔訂iPhone4呀？菲立話，原本真係訂咗10部iPhone4o架，但從各個渠道收到嘅消息，都對iPhone4好有保留，所以咪繼續送番3GS囉……咁貼心，唔知啲大行會唔會跟呢？
李華華