陳法拉、馬浚偉和鍾嘉欣等昨日在將軍澳電視城出席無綫劇集《蒲松齡》的祝捷會，席間公佈大結局平均收視有36點（約229萬觀眾），最高收視為41點（約261萬觀眾），監製梁材遠更宣佈明年將開拍續集和舞台劇，屆時以原班人馬上陣。
法拉明年出碟
主角之一陳法拉表示滿意成績，雖然她剛剛簽約做歌手，但新碟要明年才推出，她說：「始終我係電視人，會以拍劇行先，我拍劇要拍到年尾，要到出年先可以籌備新碟，我喺呢段時間會努力練歌，我覺得忙係好事，希望一直可以keep住同兼顧到。」
此外，提到黎耀祥指馬仔有機問鼎視帝，馬仔笑說：「隨緣啦，我覺得頒獎禮好似派成績表，諗得太正面怕失望，所以我決定乜嘢都唔諗，有獎當然開心，因為我同呢個獎擦身而過咗好多次。」
採訪、攝影：何慧斯