今個月初足總何文田總部俾人淋紅油，事件涉及錢銀抑或女人，眾說紛紜，但反映足總多是非就無可置疑。管理咁多問題，連顧問李鵬飛都睇唔過眼，早前去信足總狠批管理層。
足總近年財政緊絀，今年初舉辦省港盃經費冇着落，董事局去信請會董、顧問及球壇友好贊助，甚至要求無息貸款，堂堂足總，竟然要借錢先搞到比賽，真係令人驚訝。
飛哥噚日同八方講，佢係本着推動本地足運先入足總做顧問，贊助經費冇所謂，但足總要借錢營運就好有問題，所以佢去信足總，話唔應該咁做。
飛哥又話當年大力支持馬會搞賭波，以為有助振興香港足運，點知幾年下來冇改善，政府都無心無力，令佢無奈又冇癮。