黃宗澤（Bosco）與胡杏兒這對半公開的戀人，趁着世界盃落幕，前晚私會，靜雞雞到澳門威尼斯人欣賞美國流行天王Usher的演唱會，不過兩人前後腳進場，似乎略欠大方。同場還有過氣情侶Angelababy及陳偉霆各自拖友人踩場，場內場外同具娛樂性。
美國R&B天王Usher前晚首次在澳門威尼斯人金光綜藝館舉行演唱會，作為亞洲巡迴的最後一站，吸引一眾港星慕名捧場。就在開騷前一刻，黃宗澤單拖到場，只見他行色匆匆，拍完照便進場。未幾，Bosco的地下情人胡杏兒突然單拖出現，令之前的疑團終於解開。記者追問杏兒是否跟Bosco前來，只顧跟fans合照的杏兒拋下一句：「唔係呀。」便轉身入場。
Usher台上火辣
這邊廂熱戀情侶甜蜜私會，那邊廂過氣戀人狹路相逢。最近忙個不停的Baby被發現混在人群中，與同公司的o靚模結伴前來，她說：「我係私人性質過嚟o架，你哋唔好影啦。」陳偉霆（William）則與吳浩康一起到場，問他可知Baby也有前來？他說：「吓？唔知喎，你哋都嚟咗啦！」似乎不欲多談舊愛。
當晚Usher盡展渾身解數，以一曲《CaughtUp》響頭陣，唱到《URemindMe》時更做出倒立及moonwalk等高難度動作。Usher越唱越high，一度向現場女fans高呼「Ladieswakemeup！」然後與火辣女舞蹈員模擬性愛動作，又即興與咪stand「搞作一團」，將氣氛推至高峯。
此外，Usher早前在北京站中與王力宏合唱中文歌《唯一》，令他成為首位與華裔歌星合唱中文歌的洋人歌星，Usher未開騷前在記者會上說：「我很感謝王力宏，他教曉我很多東西，我也希望將中國文化引入音樂中。」問他會否再唱中文歌？他說：「將來的事很難預測。」
採訪、攝影：蘆葦