世界盃落幕，好多人就好失落，不過，有一個人例外，佢就係亞博科技（8279）老闆孫豪（圖右三）！孫總話，根據國家體彩中心數據顯示，由6月7日到27日嘅3個禮拜，競彩（類似香港足智彩）分別突破1.2億、2.59億同3.13億人仔，幾乎每個禮拜增加1億人仔，平時每星期得一、二千萬人仔。家世盃踢完，亞博啲生意都唔會太受影響，事關亞博同國家體育總局合作舉辦嘅首屆中國官方電子競技賽，下個月就喺深圳舉行。孫總話，全國有3億網民玩onlinegame，其中4500萬人係電子競技愛好者；如果競技賽反應理想，配合埋周邊產品，硬件、軟件、賽事廣播同品牌贊助等等，可以發展一個龐大嘅產業鏈。家亞博係官方賽事獨家承辦商，比賽收入會同體育總局五五分賬，有錢分又有得威，你話孫總點會失落？
李華華