人哋成日話「人紅自然靚」，但我相信「化妝自然靚」多啲！事關我絕對認同化妝師等同魔術師，唔靚化到靚，靚女化得更靚。好似徐濠縈、關之琳等，理應點化都靚，不過她們的御用化妝師OmixB.就話將每人的靚位放大就是化妝師的奇妙所在。今日就要他解構一下早前出自他手筆的阿徐溶眼妝，這絕非溶妝，係特登o架！
記者：胡卓琳
攝影：王文忠
Model：Sarah@Starzpeople
Makeup：OmixB.
Hair：[email protected]
化妝B的妝下美女
阿B入化妝行多年，化盡不少美女，以他為御用化妝師的亦不乏Model、名人。阿B話因為每個人的五官分佈都唔同，所以妝容不可以只一味同出一轍，而是要因應每個人的面孔有異，針對地化出不同的妝效。學化溶妝前，且聽阿B對她的美女妝容有咩高見。
關之琳這位大美人，多年來靚樣都無變，阿B話：「關之琳直頭係唔使化妝都係靚女一名，所以淡妝及能夠帶出她輪廓的妝容即可。」
阿B早前幫阿徐化的紅唇妝，「我用的紅色不是鮮紅，而是較特別的酒紅，阿徐個樣好東方美，皮膚好白襯紅唇好靚。」
Kathy的輪廓很突出，化咩妝都靚，阿B話：「Kathy的面部輪廓很標致，Carry到不同的妝容，濃淡妝亦可。」
阿B說婷婷的妝容主要以淡妝為主，「婷婷的妝容很多時都很淡，而重點則會落在雙眼的眼線之上，尤其是內眼線，可令眼睛看來更精靈。」
徐子珊在金像獎得獎時的妝容都是出自阿B手筆，阿B話：「LessisMore係子珊的重點，她的妝容一定要平衡得好，尤其她眼形靚，自然會成了妝容重點，其餘在胭脂及嘴唇則以淡色為主即可。」
Gloss溶眼唔畫眉
今日講阿徐的不再是鞋，而是阿徐東方美面容下的妝容，早前她出席某FashionShow時化的Gloss溶眼妝正是出自OmixB.手筆，阿B話：「本身都無諗過用Gloss做眼，但化化吓覺得加Gloss後，令立立的眼睛效果會比較突出，而阿徐真係好襯呢個妝。」其實做呢個Gloss溶眼妝有幾個重點，首先印上眼前可先在手背將LipBalm及CreamyEyeshadow混合，而印上眼時就切記不要太貼近睫毛，否則會很容易導致溶妝；另外亦建議不要塗睫毛液，避免因接觸LipBalm的油而弄致溶妝，睫毛夾至鬈曲就夠；還有眉毛要夠Soft，甚至唔畫眉都OK！記住以上重點後，就索性逐個Step跟住化呢個Gloss溶眼妝。
Steps
① 首先用黑色或深灰色眼影在眼窩打底，尤其着重於眼尾位置。
② 然後在眼頭及下眼角位置用手指印上深灰色的CreamyEyeshadow，閃爍及反光效果會更自然。
③ 將透明LipBalm印在眼蓋中央位置，這樣可避免過份反光而令人感覺眼睛浮腫。
④ 在面頰掃上淡粉紅色的胭脂，營造自然的淡妝效果。
⑤ 唇部則掃上Nude色的唇膏或唇彩。
小貼士
星級化妝師阿B話為免眼睛及面部都反光，因此建議用啞色粉底，不要揀光澤或帶閃粉的粉底。
Chanel（22658632）
M.A.C（31019036）
JillStuart（27367712）
Dior（22657728）
BobbiBrown（21109387）